गैर आवासिय नेपाली संघ एनआरएनए अमेरिकाको आशन्न निर्वाचनमा एनसीसी सचिव पदका प्रत्यासी द्रोण गौतमले निर्वाचन आयोगप्रतिको सबैको बिश्वास नै निर्वाचनको मेरुदण्ड भएको बताएका छन् । गौतमले निर्वाचन तालिका सार्वजनिकका सन्धर्वमा आयोग र निर्वाचनको महत्वबारे बोलेका हुन् ।
गौतमले सार्वजनिक निर्वाचन तालिकाका प्रति बिरोध नजनाएपनि निर्वाचनको महत्वमारे भनेका छन् ‘वास्तवमा स्वच्छ र बिश्वसनिय निर्बाचनका लागि अझै धेरै तयारी र बिश्वासको बातावरण निर्माण भए पश्चात मात्र तालिका आएको भए धेरैको बिश्वास बढ्ने थियो ।’
गौतमले प्राय निर्बाचनमा हुने गरेका शंका र आरोपहरु यस पटकको निर्बाचन पश्चात सुन्न नपर्ने गरी निर्वाचनलाई अघि बढाउनु पर्नेमा जोड दिंदै गौतमले सदस्य आफैले भोट हाल्ने, भेरिफेकशन, सर्भर र सर्भिस दिने कम्पनीको बिश्वसनियता र समग्रमा निर्बाचन गराउने आयोग प्रति सबैको बिश्वास हुनु लगायतका महत्वपूर्ण बिषय निर्बाचनका लागि मुख्य मेरुदण्ड भएको बताउँदै सबै अन्यौलहरुलाई पन्छाएर निश्पक्ष र विश्वसनिय निर्वाचनका लागि सबैको साझा एकता हुनु पर्नेमा पनि जोड दिएका छन् ।
उनले भने ‘मैले सचिव पदमा उम्मेदवारी दिएको हुनाले अवश्य पनि संस्थामा रहेर एनआरएन अमेरिकालाई सबैको साझा संस्था बनाउने र नेपालको राजनीतिका आधारमा यंहा बसेर समाज भाड्ने होईन समाज जोड्दै यहिको मुलधारमा हाम्रो प्रगती गर्दै सकेसम्म जन्मभुमीलाई सेवा गर्ने योजना आज पनि दोहोराउन चाहान्छु ।’
