फ्रान्सका राष्ट्रपति म्याक्रोनले रिटायर हुने उमेरहद बढाउ ल्याउन लागेको योजनाको विरोधमा फ्रान्सका ट्रेडयुनियनहरूले एक दिने आमहडतालको घोषणा गरेका छन् ।
सेवानिवृत हुन पाउने उमेरलाई बढाउने योजनाको विरोधमा बिहीबार आमहडतालको आयोजना गरी विरोध प्रदर्शन गरिएको हो । फ्रान्सको संसदमा सेवानिवृत हुने औपचारिक उमेर ६२ वर्षबाट बढाइ ६४ वर्ष गर्न एक नयाँ विधेयक प्रस्तुत गरिएको छ ।
सो विधेयकको विरोधमा आमहडताल गरिएको हो । यातायात सेवा हुने भएको छन् । स्कूललगायतका सार्वजनिक सेवा बन्द हुने छ । पेरिसको ओर्ली विमानस्थलमा पाँच उडान मध्ये एक खारिज गरिएको छ ।
पेरिसका चालक बिनाका दुई मेट्रो सेवा सामान्यरूपमा चल्ने देखिएको छ ।
अपेक्षा गरिएअनुसार विशाल प्रदर्शनमा चरमवामपन्थीको घुसपैठ हुन सक्ने र हिंसा भडकिन सक्ने आंशकामा प्रहरीलाई तैनाथ गरिने छ ।
पूरा पेन्सन पाउनका लागि मानिसहरूलाई ४३ वर्ष काम गरेको हुनुपर्ने र यो कानु २०२७देखि लागु हुने गरी प्रधानमन्त्री एलिसाबेथ बोर्नद्वारा यो महिनाको सुरुमा प्रस्ताव ल्याइएको थियो । अहिले यो समय ४२ वर्ष रहेको छ ।
पेन्सनको यो ल्याउन खोजिएको कानुनको विरोधमा ६८ प्रतिशतले मत जाहेर गरेका छन् । यो साता आईएपओपीको मतसर्वेक्षणमा यो विरोध देखिएको थियो ।
