गैर आवासिय नेपाली संघ अन्तर्राष्ट्रिय समन्वय परिषद (एनआरएनए आइसीसी)सल्लाहकार हरीबोल भण्डारीले कृष्ण लामिछाने प्यानलाई खुलेरै समर्थन गरेका छन् । आईतबार टेक्सासको डालसस्थित नेपाली मन्दिरमा आयोजित लामिछाने प्यानलको चुनावी अन्तक्रिया तथा भेटघाट कार्यक्रममा बोल्दै सल्लाहकार भण्डारीले लामिछाने प्यानललाई सहयोग र साथको प्रतिवद्धता सहित खरो रुपमा समर्थन जनाएका हुन् ।
भण्डारीले लामिछाने प्यानल हार्नु भनेको नेपाली जोडिएको सिंगो अमेरिकी डायस्पोराले हार्नु हो भन्दै सार्वजनिक रुपमा भने ‘तपाँईहरुलाई हार्ने छुट छैन । ‘
भण्डारीका अनुसार लामिछाने प्यानल अमेरिकामा एक मात्र त्यस्तो टिम हो जस स्वत स्फुर्त निर्माण भएको हो । अमेरिकाका बिभिन्न राज्यका उमेद्वारलाई समेट्न सफल भएको टिम लामिछाने प्यानल भएको बताउँदै टिम भनेको चिन्ने मान्छे मात्रको समुह नभई नचिन्नेहरुलाई समेत सहभागी गराउनु भएको तर्क पेस गरेका छन् ।
आफ्नो पूर्ण साथ र समर्थन लामिछाने टिमलाई रहेको बताउँदै उनले सबै उमेद्वारलाई बिजयी यात्राको शुभकामना पनि दिएका छन् ।
