गैर आवासिय नेपाली संघ एनआरएनए अमेरिकाको नयाँ कार्यसमिती निर्वाचनमा एनसीसी उपाध्यक्ष पदमा उमेद्वारी घोषणा गरेका बासुदेव अधिकारी यस निर्वाचनमा देखिएका अर्का युवा प्रत्यासी हुन् । १६ बर्ष देखी अमेरिकामा रहेर यहाँका नेपाली समुदायसंग निकट अधिकारीले यस निर्वाचनमा आफ्ना मुख्य ५ प्रतिवद्धता सहित चुनावी यात्रालाई अघि बढाईरहेका छन् ।

प्रत्यासी अधिकारीले सार्वजनिक गरेका मुख्य ५ प्रतिवद्धताहरुमा परिणाममुखी कार्यक्रम ल्याउने, समाजप्रतिको उत्तरदाहित्व बहन गर्ने, आर्थिक पारदर्शिता र संस्थागत दिगोपन, स्थानिय संघ संस्थाहरुसंगको सहकार्य र बिभिन्न च्याप्टर र कमिटीको सशक्तीकरण रहेका छन् ।

बर्तमान कार्य समितीका बोर्ड अफ डाईरेक्टर अधिकारी अमेरिका आएको छोटो समयमा नै आफुलाई सफल ब्यवसायिका रुपमा उभ्याउन सफल युवा हुन् । शंकरदेव क्याम्पसबाट स्नातकोत्तर उनि बैंकिगं पृष्ठभूमिबाट आएका ब्यवसायि हुन् । अमेरिका आएका सुरुवाती दिनमा ग्यांस स्टेसनमा काम गरेका उनि ब्यवसायिक र सामाजिक दुवै क्षेत्रमा सकारात्मक र सफल छवि स्थापित ब्यक्ती हुन् ।