ईशा जन्मेको ७९ वर्ष पुगेको बेला ज्वालामुखी भिसुभियस विस्फोटन हुँदा त्यतिखेर प्राचीन रोममा मुक्त गरिएका दुई दासहरूले बनाएको एक भवन खरानीमा पुरिन पुग्यो ।
यो भवन प्राचीन शह पोम्पेइमा थियो । दासत्वबाट मुक्त भएका ती दुई दासहरूले बनाएको भवन वेश्यालयको रूपमा प्रयोग भयो । १९ वर्ष अघिको त्यो ज्वालामुखीको खरानीबाट उद्धार गरिएको त्यो भवनलाई जिर्णोद्धार गरी पर्यटकहरूका लागि खुला गरिएको छ ।
यो भवन खोजिएपछि यसको पुनर्बहालीका लागि २० वर्ष लामो प्रयास गरियो ।द हाउस अफ द भेटीका ढुंगेस्तम्भ, झर्ना तथा यौनजन्य कलाकृतिहरूलाई जिर्णोद्धार गरिएको छ । रोम संस्कृतिमा प्रजननका देवताको रूपमा चिनिएको पारिआपुसको लामो लिङ् भएको काल्पनिक चित्रपनि प्रवेशद्वारमा राखिएको छ । महिला पुरुष समागम गरेको चित्र पनि छ ।
दासत्वबाट मुक्त भएका मानिसहरू अउलस भेटिअस रेस्टिटुटस र अउलसभेटिअस कोनभिभाले तिनको सम्पत्ति मदिरा व्यापारबाट कमाएका थिए । उनीहरूले बनाएको त्यो भवन वेश्यालको रूपमा थियो ।
पर्यटकहरूले सन् ७९को ज्वालामुखीको चपेटमा आएको त्यो भवनको भ्रमण गर्न पाउने भएका छन् ।
प्राचीन रोममा बनेको त्यो भवन हेर्न पाउने भएका छन् ।
पोम्पेइका निर्देशक ग्याब्रियल जुचत्रेगेलका अनुसार द हाउसअफ द भेटी पोम्पेको इतिहास हो र यो भवन त्यतिखेरको रोमन समाजको प्रमाण हो ।
यो भवन सन् १८९४को अन्त्यतिर १८९६सम्म उत्खनन गरिएको थियो । ११ हजार वर्ग फिट भन्दा बढीको क्षेमा पोम्पेइको उत्तरपश्चिममा यो भवन छ।
लिभिङ रुमलाई द हल अफ पेन्थेअस भनिएको छ । भित्ते चित्रमा हर्कुल्स एक बालको जस्तो देखिन्छ । त्यो बालकले दुई सर्पलाई मारिरहेको दृश्य देखिन्छ। यो ग्रिकको नायक मानिन्छ ।
धार्मिक ग्रन्थका अनुसार जिअसकी देवी हेराले हर्कुलेसलाई मार्न सर्प पठाएकी थिइन् । हेरा रिसाउनुको कारण उनका पति जिअसले मरणशील महिला अल्कमेनासँगको संयोगबाट हर्कुलेस जन्माएका थिए ।
पुरातत्वविदहरूका अनुसार यो तस्विर भवनका मालिकले छनौट गर्नु भनेको उनीहरूको जीवनको कथा हर्कुलेसको कथाबाट दर्शाउन खोजका थिए ।
दुई हजार वर्ष अघि पोम्पेइ नेपल्सको दक्षिणपूर्वमा १४ माइलमा फैलिएको थियो । भिसुभियस ज्वालामुखी विस्फोटन हुन अघि यो शहरमा १५ हजार बासिन्दाको बस्ती थियो । अगस्ट२४ , ७९मा यो ज्वालामुखी विस्फोटन भएको थियो ।
पोम्पेइ वरिपरिका गरी १६ हजार मानिसको ज्यान गएको थियो । इतिहासको सबै भन्दा विनाशकारी ज्वालामुखी मध्ये एक भिसुभियसलाई मानिएको छ ।
